Дзень бібліятэрапіі ў Мультыцэнтры “Совушка”

  1 снежня 2017 года ў дзіцячым філіяле прайшоў Дзень бібліятэрапіі для дзяцей з абмежаванымі магчымасцямі пад назвай “Гараць навагоднія зоркі”.

  Хлопчыкі і дзяўчынкі займаліся ў лабараторыях і сэнсарным пакоі Мультыцэнтра “Совушка”, дэкламавалі вывучаныя на памяць вершы, сустрэліся з любімымі казачнымі героямі, якія правялі пазнавальную віктарыну. 

  Прыемным сюрпрызам для дзяцей сталі інсцэніроўкі па творах выдатнай сучаснай паэткі Рэнаты Мухі “Уджалены вуж”, якую арганізавалі нашы актыўныя чытачы Альгерд Данільчык з мамай Ірынай Віталеўнай і “Вялікая вандроўка маленькага пінгвіна” – з удзелам Івана Пісарава з мамай Крысцінай Францаўнай.      

  Напрыканцы свята ўсе прысутныя ахвотна і весела заспявалі ў караоке.