“Совушка” ў парку імя Ж.Э.Жылібера

31 мая 2019 года Мультыцэнтр “Совушка” прыняў удзел у святкаванні Дня сям’і, якое адбылося ў гарадскім парку імя Ж.Э.Жылібера.

Хлопчыкі і дзяўчынкі з задавальненнем гулялі ў Крэатыўнай лабараторыі Лега: запускалі ў падарожжа “Цудоўны цягнік” і будавалі з Лега любімыя мясціны роднага горада.

Як дзетак, так і іх бацькоў, бабуль і дзядуль зацікавіла інтэрактыўная чытанка для малышоў “Простыя адказы на цяжкія пытанні”, на якой былі прадстаўлены самыя разнастайныя забаўляльныя развіваючыя і пазнавальныя кнігі.